सिमरा । ईलाका प्रहरी कार्यालय सिमरा बाराले आईतबार बाराको जीतपुरसिमरा उप–महानगरपालिका वडा न–०७ स्थित जीतपुर बजार चोकमा लागुऔषध सहित पक्राउ परेका सुमन लामालाई पाँच दिनको म्याद थप गरेको छ ।
बिरगंजबाट हेटौडा तर्फ जानको लागि आउदै गरेको ना.४५ प.९२०६ नम्वरको मोटरसाईकलका चालक जिल्ला मकवानपुर हेटौडा उप–महानगरपालिका वडा न.१२ बस्ने बर्ष २९ को लामालाई सम्मानित बारा जिल्ला अदालतबाट पाँच दिनको म्याद थप गरी अनुसन्धान भईरहेको ईलाका प्रहरी सिमराले जनाएको छ ।
मोटरसाईकल चेकजाँच गर्ने क्रममा मोटरसाईकलको सिटमुनी र भाईजर भित्र हाली लुकाई छिपाई ल्याएको लागु औषध नाईट्राभेट ट्याबलेट ३ पत्तामा भएको ४० पिस र कोडिवेल एम एल को १६ बोतल फेला परेकोले कानुन बमोजिम बरामद गरी लागु औषध नाईट्राभेट–१०० समेत शिर्षकमा मुद्दा दर्ता गरी कार्वाही भई रहेको बताईएको छ ।
