निजगढ । बाराको निजगढमा अन्तरनगर स्तरीय वडा अध्यक्ष कप नकाउट फुटबल प्रतियोगिता–२०७८ खेल सुरु हुने भएको छ। वडादशै २०७८ को उपलक्ष्यमा रतनपुर युनाइटेड युथ क्लब द्वारा आयोजित प्रतियोगिता निजगढ ११ रतनपुर मा.वि.को खेल मैदानमा हुने जनाईएको छ ।
असोज १९ गतेबाट सुरु हुने सो प्रतियोगिता कोरोना महामारीसगै थला परेको खेलकुदको अबस्थामा सुधार ल्याउन खेलकुद विकास तथा प्रवर्द्धन हामी सबैको जिम्मेवारी भन्ने मुल नाराका साथ खेलाइन लागेको हो ।
जिल्ला फुटबल सँघ बाराका महासचिव सियाराम कुवरले खेलमा जम्मा ९ वटा टिम रहने बताउदै जीतपुरसिमरा, चन्द्रपुर, गुजारा, वकुलिया, बिरगंज युनाइटेड , बिरगंज र आयोजक क्लबहरु सहभागी हुने बताईएको छ ।
खेलमा प्रथम हुनेलाई नगद रु पचास हजार सहित ट्रफी र दोश्रो हुनेलाई नगद रु तीस हजार सहित ट्रफि पुरस्कारको व्यवस्था गरिएको छ। साथै प्रत्येक दिन म्यान अफ द म्याचको समेत व्यवस्था गरिएको छ । उनले प्रतियोगिताको सबै तयारी पूरा भएको समेत बताए।
