तराईका जिल्लामा लगाईएको धानबालीमा करोडौंको क्षति, ज्यान गुमाउनेको परिवारका लागि दुई लाख

गुरुप्रसाद गौतम
गुरुप्रसाद गौतम 736 - पाठक संख्या
2 मिनेट पढ्न लाग्ने समय

निजगढ । तीन दिनदेखिको लगातार वर्षाका कारण अन्न भण्डारकारुपमा चिनिएको बारा पर्सा रौतहट लगायत तराईका जिल्लामा लगाईएको धानबालीमा करोडौंको क्षति पुगेको छ ।

लगातार परेको वर्षाका कारण काटिएको धान र नकाटिएको बालीमा समेत ठूलो क्षति भएको छ ।

अविरल वर्षा तथा हावाहुरीका कारण तराईका जिल्लाहरुमा भित्र्याउन काटेको धान बाली खेतमै नष्ट भएपछि यसबर्ष धान उत्पादनमा कमी आउने भएको छ ।

वर्षाका कारण लगाएको धान तथा तरकारी बालीमा क्षति पुगेको स्थानीयले बताएका छन् । काटोको धान सुरक्षित गर्न नसकिएको र नकाटेको धान पनि हावाले ढालेपछि उम्रन थालेको छ ।

धान काट्ने बेलामा वर्षाले क्षति पुर्‍याएपछि धान उत्पादनमा कमी हुने भएको छ ।

 

आइतबारदेखि परेको अबिरल वर्षापछि आएको बाढी पहिरोमा परेर देशभर ४८ जनाले ज्यान गुमाएका छन् । गृह मन्त्रालयको तथ्यांक अनुसार ११ जिल्लामा बाढी पहिरोमा परेर ४८ जनाको मृत्यु भएको हो ।

मन्त्रिपरिषद् बैठकले बाढी–पहिरोबाट ज्यान गुमाउनेको परिवारका लागि दुई लाख रुपैयाँ दिने निर्णय गरेको छ।

सरकारले बिहीबार बसेको मन्त्रिपरिषद् बैठकमार्फत उक्त निर्णय गरेको गृहमन्त्री बालकृष्ण खाँणले जानकारी दिएका छन् ।

बाढी–पहिरोबाट प्रभावितलाई घर बनाउन हिमाली जिल्लामा पाँच लाख, पहाडमा चार लाख र तराईमा तीन लाख उपलब्ध गराउने निर्णय भएको गृहमन्त्री खाँणले बताए। सरकारले बाढी–पहिरोबाट विस्थापित भएकाहरुका लागि अस्थायी बसोबासका लागि तत्काल ५० हजार रुपैयाँ उपलब्ध गराउने निर्णय गरेको छ।

शेयर
प्रतिक्रिया
Skip to content