निजगढ । पत्रकार महासंघ प्रदेश २ का सदस्य बाराका पत्रकार महेश्वर अधिकारी प्रेस सेन्टर नेपालको केन्द्रीय सदस्यमा निर्वाचित भएका छन् ।
अधिकारी चितवनमा सम्पन्न सेन्टरको चौथो महाधिवेशनबाट सर्वसम्मत निर्वाचित भएका हुन् ।
पत्रकार अधिकारी फरक नेपाल डटकम र निजगढसमाचार साप्ताहिकका अध्यक्ष तथा कार्यकारी सम्पादक हुन् । नव निर्वाचित समितिका अध्यक्ष र सदस्यहरुले आईतबारनै पद तथा गोपनियताको सपथ ग्रहण गरेका छन् ।
महाधिवेशनले विष्णु सापकोटा जुगलको अध्यक्षतामा १९९ सदस्यीय केन्द्रीय समिति निर्वाचित गरेको छ ।
मंसिर १८ मा दियालो पार्टी प्यालेसमा नेकपा माओेवादी केन्द्रका अध्यक्ष पुष्पकमल दाहाल प्रचण्डले महाधिवेशनको उद्घाटन गरेका थिए । १८ बुदे घोषणा पत्र जारी गर्दै महाधिवेशन सम्पन्न भएको छ ।
