कलैया । बारामा गाडीको ठक्करबाट दुई जनाको मृत्यु भएको छ । बाराको कलैया उपमहानगरपालिका–५ बस्ने ४० वर्षीय नरेश साह र ५५ वर्षीय शितल साहको मृत्यु भएको हो ।
कलैयाबाट वीरगञ्ज जाँदै गरेको बीआर ०५ एआर ५१५१ नम्बरको भारतीय नम्बरको स्कारपियो गाडीले विपरीत दिशाबाट आउँदै गरेको ना ८ प ८८६३ नम्बरको मोटरसाइकललाई ठक्कर दिदा उनीहरुको मृत्ु भएको हो । कलैया(वीरगञ्ज सडक खण्डको कलैया(५ स्थित विजय आयल स्टोर अगाडि भएको दुर्घटनामा उनीहरुको मृत्यु भएको प्रहरीले जनाएको छ ।
फरार स्कारपियो चालकको खोजी भइरहेको जिल्ला प्रहरी कार्यालय बाराले जनाएको छ ।
