काठमाण्डौ । मेलम्चीको पानी आजदेखि सुरुङमा हालिने भएको छ । योसगै अब केही दिनमै काठमाण्डौबासीले खानेपानी पाउने भएका छन् । मेलम्ची खानेपानी विकास समितिले आजदेखि खानेपानी सुरुङमा पठाइने जनाएको छ । समितिका सिनियर डिभिजन इन्जिनियर पद्मबहादुर कुँवरले सुरुङ र हेडबक्स सफा गर्ने काम सकिएकाले सुरुङमा पानी पठाउन लागिएको जानकारी दिए ।
केही काम बाँकी भए पनि सुरुङ र हेडबक्स सफा गर्ने काम सकिएकाले सुरुङमा पानी पठाउन तयार रहेको उनले बताए। इन्जिनियर कुँवरका अनुसार काठमाडौँमा पानी आउन अझै दुई साताजति लाग्नेछ ।
गत असार १ मा आएको बाढीले मेलम्ची खानेपानी आयोजनामा क्षति पुर्याएको थियो । सरकारले चैत मसान्तभित्र पानी काठमाडौँ ल्याउने घोषणा गरेको थियो ।
