निजगढ । बाराको जितपुर सिमरा १६ काटघाट जाने बाटो नजिकै पुर्व पश्चिम राजमार्ग सडक खण्डमा टिपर र महेन्द्र पिकप भ्यान एक आपसमा ठक्कर खादा एकको मृत्यु हुनाको साथै चार घाईते भएका छन । पुर्वबाट पश्चिम तर्फ जादै गरेको प्रदेश २–०३–००१ च ४३२० नम्बरको महिन्द्रा पिकअप र बिपरित दिशाबाट आउदै गरेको प्रदेश २–०३–००१ क १९७१ नम्बरको टिपर एक आपसमा ठक्कर खादां महोत्तरी जिल्ला औरही नगरपालिका १ बस्ने पिकप भ्यानमा सवारी ३० बर्षिय संजिव मण्डलको मृत्यु भएको हो ।
पिकअप चालक सहित ३ जना र टिपरमा चालक सहित २ जना गरी ५ जना घाईते भएकोमा एकको मृत्यु भएको हो । घाईते हुनेहरुमा पर्सा बिरगंज ३१ बिश्रामपुर बस्ने टिपर चालक बर्ष २९ को शेख महम्द कासिमको टाउंको निधारमा चोट लागि न्युरो अस्पताल बिरगंजमा उपचार भई रहेको छ । पर्सा बिरगंज २९ बस्ने बर्ष १८ को टिपर सहचालक रामजि मण्डल, जिल्ला महोत्तरी बर्दिबास ११ बस्ने बर्ष १८ को पिकअप चालक जितेन्द्र पासवान , महोत्तरी औरही बस्ने बर्ष ३० को लालश्रि साह घाईते भएको जिल्ला प्रहरी कार्यालय बाराले जनाएको छ ।
