बारा र पर्सामा रेडियोबाट सन्चार क्षेत्रमा प्रवेश गरेका सन्चारकर्मी तथा कलाकार रोशन सुवेदीले राईका किसानहरुले भोग्नु परेको सिँचाई सम्बन्धी विविध समस्याहरुलाई कला क्षेत्र मार्फत देखाएका छन् । सुवेदीले निर्देशन गरेको नयाँ नाटक ‘ट्यूवेल’ मञ्चन सुरु भएको छ ।
काठमाण्डौँको सिनमंगलमा रहेको पूरानो घरमा नयाँ नाटक ‘ट्यूवेल’ मञ्चन सुरु भएको हो । २०८० असार १५ देखि श्रावण १५सम्म प्रदर्शन भईरहेको छ ।
सुबेदीको यो पहिलो नाटक निर्देशन हो । रेडियोबाट सन्चार क्षेत्रमा प्रवेश गरेका सुवेदीले रङ्गमञ्च नाटकमा अभिनय गर्नुका साथै नेपाली चलचित्रमा समेत अभिनय गरेका छन् । विशेष गरी २०५६ सालमा फर्किएर नाटक मञ्चन गरिएको छ ।
नाटकमा कुन्दन थारु, निशा दाहाल, श्रवण यादव, राजिव चौधरी,अरविन्दकुमार मौर्य, रोहित रजक तथा भुवन लहार लगायतका कलाकारहरुले अभिनय गरेका छन । बुधबार बाहेक हरेक साँझ सवाँ ५ देखि सुरु हुने नाटक शनिबार दिउँसो १ बजे एक्सट्रा सो सहित देखाउँने गरिएको छ ।
