निजगढ । बारामा गाडीको ठक्करबाट मोटरसाइकल चालक मकवानपुर हेटौंडा उपमहानगरपालिका –११ बस्ने २४ वर्षीय निशान श्रेष्ठको मृत्यु भएको छ ।
सोमबार साँझ पौने ६ बजे जितपुर सिमरा उपमहानगरपालिका –१६ बाराकिलोस्थित पुर्व–पश्चिम लोकमार्गमा वीरगंजबाट विराटनगर जाँदै गरेको प्र।न।(३(०१०(२२ च ३१९७ नंको पिकअप गाडीले निजगढबाट पथलैया जाँदै गरेको प्र।न।३(०३(००१ प ००३९ नंको मोटरसाइकललाई ठक्कर दिँदा चालकको मृत्यु भएको जिल्ला प्रहरी कार्यालय बाराले जानकारी दिएको छ।
दुर्घटनाबाट उनको टाउकोमा गम्भीर चोट लागेको थियो। उपचारका लागि सामुदायिक प्रसुति अस्पताल निजगढ लगिएकोमा उपचारको क्रममा सवा ६ बजे मृत्यु भएको प्रहरीले जनाएको छ।
उक्त मोटरसाइकलमा सवार २१ वर्षीय मिलन बरुवालको बाँया हात र ढाडमा चोट लागेकोले उपचार भईरहेको छ । पिकअप चालक काभ्रेपलानचोक, नवोबुद्ध नगरपालिका २ निवासी २३ बर्षिय सुरेश भुजेल नियन्त्रणमा लिएर कार्वाही भईरहेको जिल्ला प्रहरी कार्यालय बाराले जनाएको छ ।
