हेटौंडा । हेटौंडा बसामाडी जेसिज बर्ष सन् २०२४ को अध्यक्षमा उद्धव राज कठायत चयन भएका छन् । मकवानपुरमा शनिबार भएको बसामाडी जेसीजको २४औं साधारणसभा तथा अधिबेसनबाट कठायत सर्वसम्मत २४ औं अध्यक्ष भएका हुन।
त्यसैगरी समितिको कार्यकारिणी उपाध्यक्षमा सुदिप नेपाल र दिपेन्द्र यादब, उपाध्यक्षमा प्रमोद उप्रेती, ध्रुब गौतम , अभ्युदय खनाल र आयुश बोम्जम चयन भएका छन् । अध्यक्षमा चयन भएका कठायतले सबैलाई समेटेर काम गर्ने बताउनु भएको छ । त्यसैगरी उहाले युवाहरुलाई समेट्ने किसिमको नयाँ कार्यक्रम गर्ने समेत बताउनु भएको छ ।
