निजगढ । बाराको पथलैयामा बुधबार बिहान भएको सवारी दुर्घटनामा परि २ जनाको मृत्यु भएको छ भने ३ जना घाइते भएका छन् ।
पूर्व–पश्चिम लोकमार्ग अन्र्तगत जीतपुरसिमरा उपमहानगरपालिका २१ स्थित आदाबारमा भएको सवारी दुर्घटनामा परी दुई जनाको मृत्यु भएको बताईएको छ भने तिन जना घाईते भएका छन जसमध्य एकको अवस्था निकै गभिर रहेको जनाईएको छ ।
जिल्ला ट्राफिक प्रहरी कार्यालय बाराका प्रहरी निरिक्षक राम कुमार महतोका अनुसार हेटौडाबाट पथलैयातर्फ आउँदै गरेको बागमती प्रदेश ०१–०२६ च १३३४ नम्बरको बुलेरो र विपरित दिशाबाट जादै गरेको ना ६ ख ३३५२ नम्बरको ट्रक ठोक्किएको जानकारी दिए ।
घाईतेहरुको पर्वानिपुर स्थित एल एस न्युरो असपतालमा उपचार भइरहेको प्रहरीले जानकारी दिएको छ । हाल सम्म मृत्यु भएका र घाईतेको पहिचान खुल्न सकेको छैन ।
