सिमरा । बारा जिल्लामा सशस्त्र प्रहरी टोलीले स्रोत नखुलेको १६ लाख रुपैयाँसहित एक जनालाई पक्राउ गरेको छ । पचरौता नगरपालिका ७ बेनौलीस्थित सीमा इलाकाबाट पक्राउ पर्नेमा सिम्रौनगढ गनरपालिका ८ बस्ने २३ वर्षीय सैनुल्लाह अन्सारी रहेका छन् । बीआर ०५ एजी ८०७५ नम्बरको भारतीय मोटरसाइकलमा सवार अन्सारीलाई सशस्त्र प्रहरी बल, नेपाल बोर्डर आउट पोष्ट बैनौलीबाट खटिएको एपीएफ टोलीले शंका लागि जाँच गर्दा सो रकम र मोटरसाईकल सहित उनलाई पक्राउ गरेको हो । उनले उक्त रुपैयाँको श्रोत खुलाउन नसकेपछि पक्राउ गरिएको हो ।
