सरकारले खेल क्षेत्रमा पर्याप्त ध्यान पुराउन सकेको छैन – पुर्वमन्त्री पौडेल

तराइ संचार
तराइ संचार 1k - पाठक संख्या
2 मिनेट पढ्न लाग्ने समय

सिमरा । पुर्व युवा तथा खेलकुद मन्त्री पुरुषोत्तम पौडेलले सरकारले खेल क्षेत्रमा पर्याप्त ध्यान पुराउन नसकेको आरोप लगाउनु भएको छ । सरकारले स्थानीय तहका लागि १ अरव ५० करोड बजेट छुट्याइएको भएपनि खेल क्षेत्रले पाउनु पर्ने रकम पाउन नसकेको उल्लेख गर्दै सरकारले छुट्याएको बजेटलाई खेलक्षेत्रमा लगाउनु पर्ने कुरामा जोड दिनुभयो ।

उहाँले स्थानीय तहले खेल क्षेत्रको विकासको लागि छुट्टाइएको बजेटलाई विकास निर्माणमा खर्च गर्न गराउन खेल क्षेत्र लगायत सबैले दबाब र खबरदारी गर्नु पर्ने कुरामा जोड दिनु भयो । बाराको जितपुर सिमरा उपमहानगरपालिका वडा नम्बर २ को सिमरामा कोसेली तथा हुलास युवा क्लबको संयुक्त आयोजना सम्पन्न सिमरा दोस्रो भेट्रान फुटबल प्रतियोगिता–२०७७ लाई सम्बोधन गर्दै नेता पौडेलले सो कुरा बताउनु भएको हो । प्रमुख अतिथि समेत रहेका पूर्वमन्त्री पौडेलले एउटा भेट्रानखेल सञ्चालन गर्न २ लाख लागेको आफूले जानकारी पाएको उल्लेख गर्दै इच्छाशक्ति भए प्रतियोगिता संचालन गर्न र खेलाडीहरूको प्रबर्द्धनका लागि कुनै समस्या नहुने बताउनु भयो ।


कार्यक्रममा बोल्दै प्रदेशसभा सदस्य शोभा लामाले प्रदेश सरकाले खेल क्षेत्रमा ध्यान नदिएको बताउनु भयो । आफुले सधै खबरदारी गरिरहेको भएपनि प्रदेश सरकारले खेल क्षेत्रलाई उचित प्राथमिकता दिन नसकेको बताउदै यसका लागि आफुले आवाज उठाउदै आएको बताउनु भयो । आफ्नो तर्फबाट पूर्ण सहयोग हुने जानकारी समेत दिनुभयो । कार्यक्रममा नेकपा केन्द्रीय सदस्य दिनेश राई, नेकपा बाराका अध्यक्ष क्षेत्रबहादुर श्रेष्ठ,जितपुरसिमरा सार्वजनिक सरोकाकार समितिका संयोजक मनोज पौडेल, तराई यातायात व्यवसायी सङ्घका अध्यक्ष शंकर कुमार विष्ट,कोषाध्यक्ष नारायणप्रसाद घिमिरे, जनहित उपभोक्ता समितिका अध्यक्ष अमृतलाल श्रेष्ठ, नेकपाका प्रतिनिधि रबिन्द्र खकुरेल लगायतले विजय हासिल गर्ने प्रतियोगीहरुलाई बधाई तथा शुभकामना व्यक्त गर्नुभएको थियो । मूल आयोजक समितिका संयोजक सोमलाल बोम्जनको सभापतित्वमा र अनिस अधिकारीको सहजीकरणमा सम्पन्न कार्यक्रमको स्वागत बिशाल घिमिरेले गर्नुभएको थियो ।


सिमरा दोस्रो भेट्रान फुटबल प्रतियोगिता–२०७७ को उपाधि हेटौंडा भेट्रानले हात पारेको छ । हेटौडा भेट्रान र बिरगंज युथ एकेडेमीको बिचमा सम्पन्न खेलमा हेटौंडाले १ का बिरुद्ध ३ गोल गरी जित हासिल गरेको हो । कार्यक्रममा प्रथम हुने समूहलाई ३० हजार र दोश्रोलाई २० हजार सहित सिल्ड तथा प्रमाणपत्र वितरण गरिएको छ ।

शेयर
प्रतिक्रिया
Skip to content