निजगढ । सचेत सरोकारवाला निजगढले निजगढ नगरपालिका वडा नम्बर ९ शहिदचोक स्थित लक्ष्मीनारायण मन्दिर तथा धर्मशालाको नाममा रहेको जग्गा धर्मशालाका रुपमा प्रयोग नभई व्यापारीक प्रयोजनमा प्रयोग भईरहेको भन्दै शुक्रबार बिरोध प्रदर्शन गरेको छ ।
उनीहरुले धर्मशालाको नाममा रहेको जग्गामा कृषि विकास बैंक लिमिटेडलाई व्यापारीक प्रयोजनमा दिएकाले धर्मशालालाई धर्मशालाकै रुपमा प्रयोग गर्न माग राख्दै बिरुद्ध प्रदर्शन गरेको हुन । उनीहरुले धर्मशालाको अगाडी करिब २ घण्टा विरोध कार्यक्रम गरेका थिए । मन्दिर तथा धर्मशालाको जग्गामा व्यापारिक केन्द्र बनाइ कृषि विकास बैंक सञ्चालन छ भने सटरहरु समेत बनाई व्यवसाय सञ्चालन गरिएको तथा भवन पछाडि सानो मन्दिर मात्र बनाएर समितिले व्यापार व्यवसाय गरेका कारण विरुध गरीएको सचेत सरकारवाला निजगढका संयोजक खड्गप्रसाद उप्रेतीले जानकारी दिए ।
उनले निजगढमा भएका यस्ता विकृति विसंगतिको विरुद्धमा जुनसुकै धार्मिक स्थल चाहे मुस्लिम चाहे क्रिश्चियन चाहे बौद्धिक जहाँसुकै पनि यस्ता आवाजहरु उठाउने र यस्ता गतिविधिका विरुद्ध लाग्ने बताए ।
कार्यक्रममा विभिन्न सामाजिक व्यक्तित्वहरू विनोद भारती, वासुदेव तिमल्सिना, भक्त दर्लामी, रामहरि खरेल,केशब राउत, नवराज योञ्जन, बिदुर खड्का लगायतको उपस्थिति रहेको थियो।
